2026 жылғы 23 сәуір күні Астана қаласында №13 «Тұлпар» балабақшасы базасында маңызды қалалық семинар ұйымдастырылды.

Іс-шараның негізгі мақсаты – отбасы мен балабақша арасындағы байланысты нығайту, бала тәрбиесінде бірлескен тиімді жұмыс жүйесін қалыптастыру.

Семинар барысында:

«Тиімді қарым-қатынас – табысты ынтымақтастық негізі» тақырыбында тренинг өтті.

«Отбасы және балабақша – ынтымақтастық алаңы» шеберлік-сыныбы ұсынылды.

«Біз мектепке барамыз» атты ашық ұйымдастырылған іс-әрекет көрсетілді.

Педагогтер мен ата-аналар арасында пікір алмасу алаңы ұйымдастырылды.

Семинарға қатысушылар тәжірибе алмасып, мектепке дейінгі білім беру сапасын арттыру жолдарын талқылады.

Мұндай кездесулер – бала болашағы үшін отбасы мен балабақшаның бірлескен жұмысының маңыздылығын айқындайды.